Loreak, oroitzaren lekukoak »

Santu Guztietan hilerriak apaintzeko ohiturak bizi-bizi dirau. Horren lekuko izaten da Ordiziako azoka. Lorezaleek esku bete lan izan ohi dute gau eta egun eskariei aurre hartzeko. Atzokoan, ondo saltzeaz gain, enkarguak ere hartzen ari ziren. Azken urteetan hilerrietara zuzenean eramaten hasi dira lore saltzaileek aurrez egindako eskaera tokian bertan utziz, horrela eguraldiak eragin ditzakeen kalteei aurre egiten zaie. Loreetan aukera asko zabaldu da azken urteetan, eta baita aurkezpen modua ere; portzenalazko ontzitxoetan propio nitxoeetarako pentsatuak, edota lorontzi borobil nahiz luzeetan hilobi gainetan jartzeko egokiagoak. Duen aurrekontuaren araberako hauta egin dezake norberak; lore klasikotzat har daiteken krisantemotik (12 euroan), lore moztuekin egindako zentroetaraino (85 euroan). Aparte neguko loreak diren eta astero eros daitezkeen azalea, ziklamen, pentsamentu… edota lore sortak dozenaka  krabelin, gladiolo, larrosa ala nahasiz zentroetan prestatuak. Produktu berriak Loreetan ez ezik, jatekoetan ere izan zen nobedaderik. Lehen kiwiak salgai ziren 3 eta 3,5 euroan kiloa, eta baita lehen nafar-intxaur handiak ere 6-7 euroan. Bestalde, urria badoa eta onddo bilatzaileek etsia hartzen ari direneko susmoa hartu dugu: «Aurten jai dugu!». Izan ere, astea joan astea etorri aukera eta kopurua azken urte hauetako murritzena gertatzen ari da, bai kanpotik ekarritakoen artean eta zer esanik ez bertakoetan. Atzo ere hiru kilo onddo eta […]

Amaia Agirre: «Daukadan mailara hurbildu eta nire burua kontrolatzen asmatu nahi dut» »

Helduekin nahiz haurrekin ibiltzen da bertsotan Amaia Agirre (Villabona, 1977), irakasle moduan. Ikasle gazteenekin zegoela hartu du tarte bat, Tolosaldeko eta Leitzaldeko Hitza egunkariaren galderei erantzuteko. Gipuzkoako Bertsolari Txapelketaren final laurdenetarako txartela Andoainen lortu zuen billabonatarrak. Finalerako hiru geltoki gelditzen zaizkio oraindik, eta lehena, etzikoa izango da. Hondarrabiko saioan Aitor Sarriegi, Alaia Martin, Iñigo Izagirre, Nahikari Gabilondo eta Haritz Casabalekin ariko da bertsotan. Lehenak aurre egingo du, eta besteek puntuei begira egon beharko dute. Final laurdenetako hirugarren saioa Jostaldi pilotalekuan izango da, 17:30ean. Sarrerak salgai daude www.gpuntua.com web gunean, 10 eurotan arruntak eta 5 eurotan 16 urtetik beherakoentzat. Hondarribiko geltokitik hurrengo geltokira joateko nola ikusten duzu zure burua? Ilusioz, eta era berean beldurrez nago. Aurreko saioetan maila handiko bertsolariak ezinean eta sufritzen ikusi ditugu, eta horrek zer pentsatua ematen du; zuri gauza berbera gerta dakizulako. Hala ere txapelketaren trenean igo eta aurrera jarraitu nahi dut. Aitor Sarriegi, Alaia Martin… osagai ederreko saioa dirudi larunbatekoak. Seikotea erakargarria zait. Ikusiko da gero zer egiteko gai garen. Kantukideak ezagunak eta gertukoak ditut, eta bakoitzak beretik ahal duen gehiena emateko modua izaten badu, saio ona aterako da. Saiotik saiora beti bezala puntuazioetan gora-beherak ikusten dira. Arlo honetan txapelketa nola ikusi duzu zuk? Final zortzirenetan […]

«Gertatutakoa asimilatu eta egunerokotasunera bueltatzeko gogoa dugu» »

Udan Mexikora egindako bidaia erabat aldrebestu zitzaien Eneritz Aizpurua eta Eluska Aierbe ataundarrei. Hainbat lagunekin batera irteera bat egiten ari zirela, auto istripua izan zuten. Aizpuruak ia bi aste pasa ditu ospitalean, eta ebakuntza egin eta gero bueltan da. Egoera hark eragindako zailtasun ekonomikoei aurre egiteko hainbat ekintza antolatzen ari dira orain Ataunen. Etxean zaudete, zailena pasata. Lasaitu al zarete? Eneritz Aizpurua: Egia esan, nik behintzat oraindik ez dut gertatu dena asimilatu. Duela bi aste iritsi nintzen, eta bisitak direla, bata eta beste, ez dut gertatu denaren kontzientziarik hartu. Eluska Aierbe: Denok izan dugu sentsazio hori. Nola gogoratzen duzue istripuaren momentu hura? Aierbe: Geldi, oso geldi, kamera geldian bezala. Aizpurua: Istripuko egun osoa pasa zen oso motel. Ni denarekin akordatzen naiz, eta istripua bera ere oso garbi gogoratzen dut. Aierbe: Ikusten genuen nora gindoazen, bagenekien jo egingo genuela, eta bi segundu izango ziren, baina oso motel pasa ziren. Horrelako egoera batean, kanpoko herrialde batean egonda, dena nahasiagoa izango zen. Nola bizi izan zenituzten aurreneko une haiek? Aizpurua: Bakoitza toki batera eraman gintuzten, eta aurreneko egunean behintzat, ez genuen elkarren berririk izan. Aierbe: Lehenengo gauean ez ziguten ezer esan, ez besteak non eta zer egoeratan zeuden. Hurrengo egunetan jakin genuen besteak […]

GPSa erabiltzen erakutsiko dute Vasco de Campingen »

Azaroaren 8an hasiko den ikastarorako izen ematea zabalik dago; gehienez 12 lagunek izango dute bertan parte hartzeko aukera
GPS ikastaroa antolatu du Vasco de Camping mendi elkarteak aurten ere. Ikastaroa azaroaren 8an, 10ean eta 12an izango da, eta J…

Estanda Ordizia liderra da, Errioxan irabazi eta gero »

Estanda Ordizia areto futboleko taldea sailkapeneko lidertzan da, asteburuan Calceatense talde errioxarrari irabazi eta gero. Aurten ondo ari dira Iñaki Herasek eta Emilio Ortizek gidatzen duten taldeko neskak, eta asteburuan ere, joko on hori erakuts…

Aurrera egin du PSE-EEk eta Udal Gobernuak zerga eta tasekin lortutako akordioak »

Udalbatzak aurrera atera ditu 2012ko urtarrilaren lehenengo egunetik indarrean egongo diren udal tasa eta zergak. PSE-EEk eta Udal Gobernuak aurreko astean lotutako akordioari esker, ez dute gaurko osoko bilkuran hitzartutakoa berresteko inongo eragozp…

Iluntasunetik haratago »

Ane Torresen ‘Sentimendu ilustratuak’ margo-bilduma azaroaren 18a arte ikusgai egongo da Loiola kultur etxean; artistaren lehen erakusketa da.   Buruhezur batek gizakiaren izatearen zatirik barrenena irudika tzen du Ane Torresentzat (Loiola, 1990). Batzuentzat «ilun, beldurgarri edo tetrikoak» izan daitezke bere margoak, baina artistak aurreiritziak gainditu eta lehen begiratutik haratago joatera gonbidatzen du ikuslea. Bere lehen erakusketaren izena Sentimendu ilustratuak da eta Loiola kultur etxean ikusgai egongo da, azaroaren 18a arte. Astelehenetik ostiralera, 16:00etatik 20:30era bisita daiteke. Gertuko gaiak, ardatz «Nire artea sentitzen dudan horretan oinarritzen da; barruan daramatzadan sentimendu, ilusio eta ideiak materializatzen saiatzen naiz», azaldu du Torresek. Bere margoetan askotariko gaiak jorratzen ditu, baina batez ere barrenak astintzen dizkioten horiek ditu gustuko. Musika, esaterako, bere gai kuttunetako bat da; «niretzat musika oso berezia da, egunero entzuten dut; maite dut. Magia da; animatzen dit eta nire bidelaguna da». Horrez gain, oso bestelako gaiak ere landu ditu, eta horien artean, azpimarragarria da emakume, gizon zein haurrekiko tratu txarren inguruko margo seriea. «Albistegietan lau emakume bost egunetan hil direla ikustean hondoratu egiten naiz. Nire margoekin babesa eta egoera horietatik ateratzeko indarrak helarazi nahiko nizkieke». Margolan garaikideak Artistaren obra garaikidea da, eta margoa erakusketaren ardatza den arren, bestelako baliabideak ere erabili ditu. Honenbestez, […]

Abenduan egin ohi duten azoka berezia igandean egingo dute, bedaiotarrek »

Azkeneko urteetan abenduan egin izan duten Bedaioko Azoka, aurten aurreratzea pentsatu dute antolatzaileek. Urrira aurreratuz, neguko baldintza gogorrei aurre egin nahi diete. Eta garai honetan, baratzeek dituzten berezko aberastasunak eskaini nahi dituzte, azokan. Frontoian jarriko dituzte postuak goiz guztian zehar. Zugastibarrena, Etxeberri, Belarmuga, Jazku, Errota, Illorreta, Eskoletxe, Zumizketa, Gurbilla txiki, Gurbil haundi, Arrupe, Eletxe, Bitarte, Larrañeta eta Bedaio Barrena baserriek, hainbat jaki goxo, animali eta beraien baratz eta soroetan mimo handiz erein eta jasotako produktuak izango dituzte erakusgai eta erosgai.   Ez da faltako, gaur egun hainbesteko fama hartu duten babarrunak. Baina babarrunez gain,  onak eta gureak diren gaztak, taloak, odolkiak, mondejoak, ogiak, sagarrak,… izango dira. Animalien artean: zaldiak, ahuntzak, oiloak, untxiak, ardiak, behiak,… egongo dira. Eskulangintzak ere izango du tartea: margolanak, harigileak, artisautza, antzinako lanabesen erakusketa,… Amarotz auzoa ere presente egongo da Bedaion. Beraien bitartez, Nikaraguari lekutxo bat egin diote. Azkenik, umeek ere lekua izango dute, eta partaidetza zabaldu nahi dute. 12:00etatik 13:00etara bitartean eskulan tailerra izango da txikienentzat. Goizean zehar haurrek azoka girotuko digute beraien musika instrumentuen doinuekin. Bertako produktuekin osaturiko saski eder bat zozketatuko dute, eta 14:00ak aldera aterako dute zenbaki saritua. Zer ikusia  eta zer dastatua izango da Bedaion igandean. Bedaiotarrek, guztiak gonbidatu eta animatu nahi […]

Lau atxilotu etxeetan lapurtzeagatik »

Pasa den astelehenean (duela hamar egun) Ertzaintzak lau pertsona atxilotu zituen Donostian, Oiartzunen eta Astigarragan, Bidasoako eta Donostialdeko hainbat etxebizitzatan lapurtzea egotzita. Herrizaingo Sailaren arabera, lapurretak irailean eta urria…

Denboraldi berria hastear »

Atsedenaldiaren ostean, etzi hasiko da Leitzako zine denboraldi berria. Ohiko moduan, ostiraletan eta igandetan izango da filmak ikusteko aukera, bai helduentzat, bai eta gaztetxoenentzat ere. Astean helduentzako film bat eskaintzen dute, eta hilean behin, azken asteburuan haurrentzako filma. Ordutegia eta salneurria iragan denboraldiko bera izango da. Hau da, ostiraletan 22:30ean izango dira saioak, eta igandetan, berriz, 19:30ean. Helduentzako filmak ikusteko 6 euro ordaindu beharko da, eta gaztetxoei zuzendurikoak ikusteko, 3 euro. Maria Uriarte leitzarra arduratzen da filmen proiekzioen koordinazioaz. Leitzako Udaleko kultur sailak pelikulen alokairua ordaintzen du, eta berak egiten du aukeraketa. Uriartek azaltzen duenez, oreka mantentzen saiatzen da; «filmek gutxieneko kalitate maila izaten saiatzen naiz; askotarikoak aukeratzen ditut, bai gai aldetik, bai eta jatorriari dagokionean ere. Halaber, arrakasta itzela duten filmak ere sartzen ditut». Haurrentzako filmen aukeraketaz, berriz, guraso elkartea arduratzen da. Maria Uriartek dioenez, 15 eta 35 urte bitarteko herritar gutxi joan ohi da zinemara; «horiek, normalean, Leitzatik beste herriren batera joan ohi dira filmak ikustera». Helduetan, berriz, «asko joaten dira maiztasun handiz», eta haurrei dagokienez, «asko dira Leitzako zinemara pelikulak ikustera doazenak». Etzi hasiko da, beraz, denboraldi berria. Hau irekitzearen ardura El hombre de al lado filmak izango du, etzi eta igandean izango delarik ikusgai. Argentinar komediaren […]