Aurrezkiei buruzko hitzaldia asteazkenean Argoiaken »

Argoiak kultur elkarteak Gure aurrezkiak. Iragana, oraina eta etorkizuna goiburuko hitzaldia antolatu du aste honetako asteazkenerako. Hizlaria Luis Jesus Perez izango da, Asesores Financieros erakundekoa.

Plastilinazko izaki beldurgarriak »

Artista finlandiarraren ‘Plastilina odoltsua eta urratua’ erakusketa dago ikusgai Okendon Iaz Film Laburren Lehiaketako epaimahaikide gisa etorri zen Fantasiazko eta Beldurrezko Zinemaren Astera. Aurten erakusketa bat, ‘Plastilina odoltsua eta urratua’ eta film labur bat, ‘Save the Rhinoceros’ ekarri ditu. Heavy metal musika eta beldurrezko filmak maite ditu. Animazioa egitea gorroto duela aitortu du, baina gauzak bere erara eta nahi duen moduan egiteko bide bakarra dela uste du: “Finlandiarrok oso lotsatiak gara, oso isilak; horregatik edaten dugu alkohola. Ez gara batere onak jendearekin hitz egin eta harremanak sortzeko. Plastilinarekin lan egiten badut errazagoa da nik nahi dudan moduan lan egitea”. Hamar urteko ibilbidea egin du zinemagintzan, film laburren sortzaile gisa. Donostiara, Okendo kultur etxera, plastilinazko irudiak eta hainbat argazki ekarri ditu: “Artelan beldurgarriak dira, baina maitasun dosi handiak ere baditu erakusketak. Bada maitasuna eta beldurraren dikotomia pieza guztietan”. Azaroaren 10a arte izango da zabalik.

‘Pulp Visions’ erakusketa aurkeztu dute Okendon »

Vicente Ballestar egile kataluniarraren ilustrazioak erakutsi dituzte Groseko kultur etxean. Abenduaren 10a arte izango da erakusketa zabalik Fantasiazko eta Beldurrezko Zinemaren Astearen Komiki Jardunaldien barruan aurkeztu dute Vicente B. Ballestar (Bartzelona, 1929) marrazkilariaren ‘Pulp Vision’ erakusketa Okendon. 70eko eta 80ko hamarkadan John Sinclair detektibearen eleberrien azalak apaintzeko egindako ilustrazioak ikus daitezke bertan. Komikiaren eta fantasiazko eleberrien urrezko garaira eramango ditu bisitariak. Irudiak, ordea, egun sortu dituela dirudi, artista berriengan eragin izugarria duen ‘retro’ estilokoak baitira; publikoak miresten duen ‘vintage’ estetika dute, finean. Okendon generoaren inguruan egindako lanak bildu dituzte, baina Ballestar-ek askotariko lanak egin ditu; Zezen korriden kartelak eta ‘western’ generoaren ingurukoak, besteak beste. Ballestar-ek 82 urte ditu egun. Oraindik ere margolari gisa lan egiten du. Kataluniako akuarela margolarien elkarteko kidea da. Erakusketa abenduaren 10a arte izango da ikusgai. Astelehenetik larunbatera izango da zabalik, 10:00etatik 14:00etara eta 16:30etik 20:00etara.

Mendiexpo martxa antolatu du Irungo Mendizaleak taldeak astearterako »

Mendiexpo azokarekin batera, Ficobarainoko martxa antolatu du Irungo Mendizaleak taldeak. San Juan Harria plazatik abiatuko dira, 08:30ean, Jaizubiko paduretarantz, eta handik Ficobaraino gerturatuko dira.
Ibilbidea: San Juan Harria, Kale Nagusia, Mart…

Amenabar Zarautzek Bigara Pulpo hartu du mendean »

Amenabar Zarautzen eta Bigara Pulporen arteko derbia jokatu berri da Zumaiako Lubaki kiroldegian, eta markagailua zarauztarren aldekoa izan da. Amenabarrek 16-23ko emaitzarekin menderatu ditu etxekoak. Hasiera-hasieratik aurretik jarri dira zarauztarr…

Gazteak protagonista kultur hamabostaldian »

Gaztetxoenak izan dira protagonista nagusi gaurkoan Orexako kultur hamabostaldian. Eurentzako puzgarriak jarri dituzte arratsaldean, eta gozatu ederra hartu dute beraien gainean saltoka. Gainera, txokolatea ere prestatu dute herritarrek, bai txikie…

Hasi da 43. Abesbatza Lehiaketa »

Gaur ireki ditu ateak Tolosako Abesbatza Lehiaketak, ahots taldeen emanaldiarekin. Irudian, Letoniako Grupo Vocal Luar.

Xabi Fernandez eta Iker Martinez seigarren »

Volvo Ocean Race probako lehendabiziko etapan Xabi Fernandez ibartarra eta Iker Martinez hondarribiarraren Telefonika ontzia seigarren postuan geratu da. Lehen postuan Abu Dabi ontzia sailkatu da.

Bonberenea Txaranga ere irrien laguna delako »

Bonberenea Txarangaren hirugarren diskoak ikusi du argia. Txarangaren “erronkarik handiena” izan dela proiektua diote bertako kideek. Izan ere, ez da nolanahiko lana Pirritx, Porrotx eta Marimototx pailazoekin elkarlanean burutu dutena. Azaltzen dutenaren arabera, “Tolosako gaztetxeak eta Euskal Herriko pailazorik ospetsuenek 2002an hasitako bideak era natural batean eskatu du horrelako proiektu bati aurre egitea, eta disko honek ibilbide hori islatzen du”. Bertan, Pirritx, Porrotx eta Marimototx pailazoen kanturik ezagunenak “Bonberenea erara” izan dira prestatuak, txarangaren hotsa pailazoen ahots eta letrekin nahastuz. 11 abesti “dantzagarriz” eta 12 ipuintxoz osaturiko diskoan Bonberenea txarangak urte hauetan guztietan egindako lagun askok ere parte hartu dute. Hala, Zea Mays taldeko Aiora Renteria, Su ta Gar taldeko Aitor Gorosabel, Gose taldeko Ines Osinaga, Doctor Deseo taldeko Francis Diez, Oreka Tx eta Agustin Mujika Takolo entzun ahalko dira, besteak beste, eta baita Tolosaldeko zenbait artista ere. Halaber, diskoarekin batera, elementu desberdinez osaturiko DVDa ere badago, ikus-entzunezkoez betea. Nabarmentzekoa bertan ikusgai dagoen Pirritx eta Porrotx gaztetxean izena duen dokumenatala. Bonberenean ekoiztutako lana da, “aurreneko bonbo, kaxa eta txindetatik hasita Bonberenea abestiaren bideokliperaino”. Gaur goizean Bonberenean bertan txarangak pailazo ezagunek lagundurik jai giroan egin duten aurkezpenean, Porrotxek gazteen garrantzia azpimarratu du; “gazteek gaztetxeetan lan handia egiten dute Euskal Herri osoan, […]

36ko Gerran fusilatutako aiarrak omendu dituzte »

Aiako Udalak 36ko Gerran fusilatu zituzten aiarrak eta, batik bat, garaiko alkate Gabino Alustiza omendu ditu eguerdian, udaletxeko areto nagusian. Igor Iturain alkateak udal adierazpena irakurri zuen lehenik eta behin. Adierazpenaren bitartez, Aiako Udalak 1936ko uztailaren 18an osatutako legezko Udal Korporazio Errepublikarraren aurkako Estatu Kolpea gaitzesten du. Hala, fusilatutako herritarren familiei eta gertukoei “gure besarkadarik sentikorrena” helarazi nahi izan die, “75 urte beranduago bada ere”. Omenaldian, garai hartako Aiako alkate Gabino Alustizari aipamen berezia egin nahi izan diote. Izan ere, bere izaera abertzalea epaituz Hernaniko hilerrian fusilatu zuten 1936ko urriaren 27an. Alustizaren oroimenez, Iñaki Iturainek gertakari historikoaren nondik norakoak kontatu ditu, Eduardo Baranzano gitarristaren laguntzarekin, eta, ondoren, Mikel Markezek abesti bat jo du. Bien bitartean, Udaleko alkate aulkia hutsik utzi dute, mahai gainean aginte makila eta lore bat utziz, Alustizaren omenez. Biktimak gogoratu nahian, hainbat senide eta herritar bildu da ekitaldi hunkigarrian. Horien artean, alkate ohiaren hiru alabak. Horietako batek, Milagros Alustizak, Igor Iturain alkatearen laguntzaz, Gabino Alustiza oroitzeko udalbatzar aretoko horman jarri duten plaka inauguratu zuen, estaltzen zuen Ikurriña kenduz. Bukatzeko, Aranzadi elkartearekin hartu-ematen hasi direla azaldu du Iturainek, garai hartako dokumentazioak berreskuratze aldera. Hala, herritarren kolaborazioa eskatu du, argazkiak edo dokumentu grafikoak lortu eta Aranzadikoei pasatzeko. Baita testigantzak […]