‘Tres metros sobre el cielo’ eta ‘Zigortzaileak’ filmak Gurea Zine aretoan »

Astebururako bi aukera eskaintzen ditu Gurea Zinemak. Larunbatean, 19:30ean eta 22:15ean, Tres Metros sobre el Cielo filma ikusteko aukera egongo da. Igandean, etxeko txikienek euskarazko Zigortzaileak filmaz gozatu ahalko dute 16:30etik aurrera. Eta h…

Ekin diote Santa Lutzi Zahar eraikina zaharberritzeko lanen hirugarren faseari »

 Astelehenean ekin zioten Santa Lutzi Zahar eraikina zaharberritzeko lanen hirugarren eta azken faseari eta martxoaren erdialderako lanik gehienak bukatuta egongo direla aurreikusten du Ezkio-Itsasoko Udalak. Hirugarren fasean igogailua jarriko dute eta solairu bakoitza kristalezko itxitura batekin itxiko dute, bata bestearengandik independentizatzeko. Eraikinaren aurrealdea ere berrituko dute. Tomas Etxaniz Ezkio-Itsasoko alkateak jakitera eman duenez, beheko partean esaterako harria jarriko dute eta hormak txukundu eta margotu egingo dituzte. Sarrerako arkupea ere konponduko dute. Lanak hiru fasetan Santa Lutzi Zahar eraikina berritzeko ideia aspalditxotik dator. Ezkio-Itsasoko zerbitzuen inguruan azterketa egin zuten herrian eta zera ondorioztatu zuten: auzo bakoitzean hainbat zerbitzu eskaintzea ontzat eman arren, herri osoari erantzuna emango zioten zerbitzuak eta ekipamenduak ere behar zirela herri erdian. Egungo udaletxearen gabeziak ikusita, berau berritzeko proiektua egin zuten. Euro askoko aurrekontua egin zieten eta diru hori beste modu batean erabiltzea erabaki zuten. Santa Lutzi Zahar eraikinean inbertitzea pentsatu zuten. Horrela hasi zituzten obrak. Lanen lehen fasean eraikinaren egitura guztia berritu zuten. Kanpoko paretak soilik utzi zituzten zutik eta proiektuan idatzi bezala, egurrezko egitura egin zioten. Eraikinak lehen zituen zutabe eta haga batzuk aprobetxatu zituzten horretarako. Teilatua eta zoruak ere berritu zizkioten. 2010. urtearen hasierarako jada bukatuta zeuden lehen faseko obrak. Bigarren fasea Bigarren faseko […]

Gernikako akordiaren aurkezpena egingo dute »

Gernikako akordioaren aurkezpena egingo dute, domekan, 13:00etan, Kafe antzokian. Hitzarmenari atxikitu zaizkion taldeek akordioa puntuka irakurri dute, eta haren nondik norakoak azalduko dituzte. Orain artean, gizarte, kultur eta kirol munduko herriko…

Mozorro Festa egingo dute larunbatean, otsailaren 19an Igartubeiti baserri museoan »

Igartubeiti baserri museoko arduradunek larunbatero antolatzen dituzten tailerren barruan, larunbat honetan (otsailak 19) mozorro festa egingo dute 17:00etatik 18:30era bitartean. 6tik 12 urte bitarteko haurrak dituzten familiek parte hartu ahal iza…

Sukaldaritza makrobiotikoko oinarrizko ikastaroa Adunan »

Sukaldaritza makrobiotikoari buruzko oinarrizko ikastaroa antolatu dute Aiztondo Zerbitzuen Mankomunitatearen bidez. Ikastaroak bi saio izango ditu: alde batetik, sukaldaritza makrobiotikoari buruzko hitzaldia, ideiak eta oinarriak argituko dituzte,  …

“Konprometitua sentitzen naiz, eta musikaren bidez horretan nabil” »

Bihar gauean pertsona berezi baten kontzertua izango da Landaren: Fermin Valencia (Iruñea, 1948). Garai bateko kantak eta gaur egunekoak bilduko ditu emanaldian, beti ere alde soziala eta folklorikoa galdu gabe. 21:00etan hasiko da festa. Zer topatuko dute bihar Landarera joango direnek? Normalean kantatzen dudana: nolabaiteko konpromisoa duten abestiak, euskaraz eta erderaz, eta azken finean, emanaldi entretenigarri bat. Abeslari nafarra naiz, euskal herritarra, eta abesti folklorikoak lantzen ditut; txikitatik jaso ditudan abestiak. Konpromiso soziala duten abestiak lantzen dituzu. Zergatik interesatzen zaizu? Niretzako gauza askoren arrazoia delako. Klase sozial baten barruan nago, eta hainbat gauza lortu ditugu, beste hainbat pairatu ditugu eta erreibindikatzen ari gara. Hortik aurrera, ni konprometitua sentitzen naiz, eta musikaren bidez horretan egiten dut lan. Folklorea ere aipatu duzu. Zergatik da horren garrantzitsua zuretzat herri kantuak errekuperatzea? Txikitatik entzun ditudan abestien eragina izango da ziurrenik, jotarena eta baita euskal kantuena ere, baina batik bat jotarena. Halako kantak edo halako melodia edo musika oso erabilia dago. Lehen zeukan bat-batekotasuna galdu du, normalean, tabernetan, lanean… kantatzen zelako. Nik txikitan entzun nuen hori bildu dut eta beste alde batera eraman dut, askoz modu irekiagoan, eta lehiaketetatik eta horietatik kanpo. Aurreratu daiteke zerbait? Azkeneko abestiak erdi txantxetazkoak eta erdi konpromisozkoak izan dira. Esaterako, […]

Gipuzkoako Joko Garbi Txapelketako finalak, etzi Madalensoron »

Etzi 17:00etan, lehen aldiz, Madalensoron jokatuko dituzte Gipuzkoako Joko Garbi Txapelketako finalak. Lehenengo haurrak ariko dira: Zubieta 1 (A. Iruretagoiena/A. Arriaga)-Zubieta 2 (Tx. Bordagaray/U. Azpiroz). Gero gazteak: Txost 1  (Tx. Nazabal/A. …

Kaldereroen jaian parte hartzeko entsegua larunbatean »

Ibarrako Alurr Dantza Taldeko haurrek, berrikuntza gisa, kaldereroen jaian parte hartuko dute hilaren 25ean, 18:00etatik aurrera. Horretarako, Alurr taldeak dantza ikastaro bat emango du bihar, hilak 19, 12:00etan. Alurr Dantza Taldearen lokal zaharrea…

“Azpeitian euskaraz bizi gara” »

Azpeitia UEMAko (Udalerri Euskaldunen Mankomunitatea) kide izanik, “Azpeitian euskaraz bizi gara” dioten seinaleak jarri dituzte herriko bi sarreretan: Loiolan (argazkikoa) eta Eskuzta parean. Azpeitia 2008ko apirilean sartu zen UEMAn.

Eskola Pilotako partidak jokatuko dituzte etzi »

Eskola Pilota egitasmoko partidak jokatuko dituzte etzi, Kontzejupeko, Elizalde Eskolako eta Haurtzaro Ikastolako pilotalekuetan. 16:00etatik 17:30ak arte hiru pilotaleku horiek ezin izango dituzte erabili gainontzeko erabiltzaileek.