Indarkeria matxista salatzeko, ‘Woman in black’ ekitaldia egingo du Sostenipek larunbatean »

  Indarkeria Matxistaren Kontrako Nazioarteko Eguna da azaroaren 25a, eta aldarri horrekin bat egiteko, Woman in black ekitaldia antolatu du Azkoitiko Sostenipe taldeak. Beltzez jantzi eta lurrean jarriko dira, eraildako emakume denak irudikatzeko. Larunbatean egingo dute protesta, 18:30ean, plazan, eta herritarrei beltzez jantzita joateko deia egin die taldeak. Ondoren, 19:00etan, kontzentrazioa egingo dute.

Hotzaren kontrako zerbitzua indartu dute »

Azken egunetako tenperatura baxuak direla eta, Irungo Udalak, Irungo Gurutze Gorriarekin elkarlanean, hotzaren kontrako larrialdiko ostatua irekiko du.

‘Atako Bandan 5.1’ salgai dago, Ondarroako altxorretako bat bilduta lagatzeko asmoagaz »

Atako Bandan 5.1 poema sinfoniko korala herriko altxorretako bat dela iritzita, bilduta eta gordeta lagatzeko asmoagaz egin dituzte CDa eta DVDa. Kantaize abesbatzak jarri du salgai 1973an Ondarroako ontzietan arrantzan ari zirela itotako bi arrantzaleren gertakizunean oinarritutako lana. Irkaitz, Idiakez, Zurrumurru, Garoa, Kurike eta June Etorri dendetan dago salgai, musika eskolan bertan eta turismo bulegoaz […]

Asteartero jasoko dituzte ‘Mundubira 500’ egitasmoa garatzeko proposamenak, Getariako turismo bulegoan »

Getariako Udalak eta Elkano Fundazioak parte hartze prozesua jarri zuten martxan urrian, herritarren proposamenak jasotzeko. 2019 eta 2022 urte bitartean Getarian martxan jarri daitezkeen ekimenen ideiak bildu nahi ditu udalak, eta turismo bulegoan egongo da asteartero ideiak jasotzeko teknikaria; 17:00etatik 19:00etara. Hala ere, herritarren iritziak biltzeko bide ezberdinak abiatu ditu udalak. Alde batetik, postontziak jarri […]

Auzoek nola irudikatzen dute euren etorkizuna? »

Bagera euskaltzaleen elkarteak 25 urte bete ditu eta enkargu berezi bat egin die auzoei. Etorkizunera begira jartzeko eskatu die eta IRUTXULOKO HITZA euskarri hartuta, euren auzoetako albisteak idatzi dituzte. Nola irudikatu dituzte euren auzoak? Joan den larunbatean Bagerak San Telmo Museoan egindako ekitaldi berezian erakutsi zituzten azalak, museoko patioan jarri zuten erakusketa batean. Lerroburuei erreparatu […]

[Bideoa] Herritarrak aktibatzea helburu »

Hamaika ekitaldi antolatu dituzte Pasaian Euskararen Nazioarteko Egunaren bueltan.

Kamel Ziani haurren krosa izango da lehenbizikoz Orioko San Nikolas egunean »

Orioko korrikalari elkarteak antolatuta, Kamel Ziani haurren krosa egingo dute lehenbizikoz San Nikolas jaietan. Aurten sortu da haurren atletismo taldea, eta dagoeneko entrenatzen ari dira. San Nikolas egunean, abenduaren 6an, izango da lasterketa. Goizeko 10:00etan hasiko da krosa, Muntoko pasealekutik abiatuta (futbol zelaiaren paretik). Benjamin, alebin eta infantil mailatako neska-mutilek parte hartu ahal izango dute, […]

‘Sarkor Ez’ aldarrikapena bete da »

Jende bete Iparragirren eman du Gernika-Lumoko Sarkor taldeak bere azken kontzertua. Sarkor Ez aldarrikapenari eutsi zioten zapatuan ere, egun osoko agur festan ere kutsu sarkoretoari eutsiz. Hala, lagunartean, beren musikak batu dituen jende anitzaren babesa sentitu zuten taldekideek. 13 urte eman dituzte taula gainean, eta ibilbideari behar bezalako amaiera emateko, egun osoko egitaraua prestatu zioten […]

Sotok eta Barandiaranek Kataluniako egoeraz hitz egingo dute Zerainen »

Zeraingo Gure Esku Dagok antolatuta, Kataluniako egoeraz eta erabakitzeko eskubidez hitz egingo dute ostegunean. Iñaki Soto Gara egunkariko zuzendaria eta Xabier Barandiaran irakasle eta EAJko kidea, Euskal Herritik Kataluniara begira jarriko dira. Miriam Luki kazetariak egingo ditu moderatzaile lanak. Mahai-ingurua, 19:00etan izango da, Zeraingo elizan.

Azkoitiko Parrokiako Abesbatzak kontzertua eskainiko du bihar »

Azkoitiko Parrokiako Abesbatzak kontzertua eskainiko du bihar, azaroak 22, parrokian. 20:00etan hasiko da emanaldia, eta Xixili Eguna ospatzeko helburuarekin antolatu dute.